BERZH ul në 1.2% parashikimin për rritjen ekonomike e Shqipërisë në 2013

2018-02-14T13:24:45+00:0012 Nëntor, 2013 8:54|Kategoritë: Para, Tregje|
The stars of European Union (EU) membership sit on a euro sign sculpture outside the headquarters of the European Central Bank (ECB) in Frankfurt, Germany, 20 March 2014.

 

Banka Europiane për Rindërtim dhe Zhvillim (BERZH) sapo ka publikuar raportin më të fundit mbi parashikimin e ecurisë së ekonomisë botërore. Banka e ka ulur edhe më tej parashikimin e saj për Shqipërisë, duke e zbritur në 1.2% nga 1.5% që kishte parashikuar në raportin e muajit janar. Sifdat fiskale janë të ashpra ndërkohë që borxhi publik në nivelin 60% janë problematikë për ekonominë. Nga ana tjetër, shqetësim mbetet edhe niveli i lartë i kredive me probleme, në nivelin prej 25% të totalit të kredive të sistemit bankar. Rritja e Shqipërisë pritet të jetë afër mesatares së rajonit të Europës Juglindore prej 1.4%, por më e lartë se disa vende të tjera të Rajonit. Ndërkohë për vitin e ardhshëm, BERZH parashikon një ecuri më të mirë të ekonomisë vendase. Rritja ekonomike e Shqipërisë pritet të arrijë në nivelin 2% në vitin 2014, një kufi ky i përafërt me pjesën më të madhe të vendeve të tjera të Ballkanit. / www.monitor.al