Orët shtesë janë aplikuar prej kohësh nga një numër i madh punonjësish dhe kjo për arsye nga më të ndryshmet. Disa detyrohen sepse një projekt i caktuar ka një afat kohor që duhet përmbushur, disa të tjerë duan të fitojnë më shumë, ndërsa disa të tjerë punojnë shumë sepse “janë të fiksuar”.
Por një gjë e tillë ndikon negativisht në shëndetin e çdokujt.
Sipas një studimi britanik, shkruan Forbes, të gjithë ata persona që punojnë me orë të zgjatura kanë më shumë gjasa për t’u prekur nga depresioni në krahasim me personat e tjerë që puojnë nga 7-8 orë në ditë.
Shenja shqetësuese
- Gjatë gjthë javës ju nuk keni kontaktuar me asnjë prej miqve tuaj
- Nuk shpenzoni kohë në qoftë se ajo nuk ka lidhje me punën me të cilën ju jeni duke u marrë
- Nuk e kujtoni herën e fundit që keni dalë për t’u argëtuar
- Nuk e njihni fjalën pushime. Puna vjen gjithmonë e para
Si duhet të veproni në të tilla raste:
- Krijoni një balancë. Nëse punoni orar pa orar, të jeni të sigurtë që jeta juaj personale dhe mbi të gjitha shendeti do të vihen në rrezik mjaft të madh.
- Pushoni. Një prej këshillave që jepen nga një numër i madh mjekësh në botë është se midis orëve të lodhshme në punë duhet të pushoni patjetër. Llojin e argëtimit zgjidheni vetë, e rëndësishme është që të mos harroni të pushoni.
- Fikeni celularin. Mbas pune është mirë që të shkëputeni totalish prej saj dhe të përqëndroheni kryesisht tek jeta juaj personale, prandaj fikini celularët.
- Bisedoni. Të gjithë ne kemi shqetësime apo probleme nga më të ndryshmet, të cilat ndikojnë negativisht jo vetëm në humorin tonë por edhe në shëndet. Në të tilla raste, kura më e mirë është bisedimi me dikë. Do ta shikoni që me të vërtetë është mjaft efikas.
