Përpjekja e fundit e Italisë, për të luftuar turizmin e tepërt, është një tarifë për udhëtarët ditorë në Venecia në kohë piku.
Në vitin 2022, qyteti i Venecias njoftoi se do të zbatojë një taksë turistike. Prezantimi i taksës, është shtyrë disa herë; fillimi u propozua për qershor 2022 dhe më pas janar 2023.
Tani, duket se më në fund po ndodh, pasi turistët ditorë, që duan të hyjnë në Venecia, nga e shtuna më 27 prill, do të duhet të paguajnë për ta bërë këtë.
Tarifa do të zbatohet për vizitorët, që udhëtojnë vetëm për një ditë në ‘qytetin e vjetër’, në të gjithë rajonin e lagunës.
Ata, që udhëtojnë drejtpërdrejt, në “ishujt e vegjël” si Burano dhe Murano, nuk do të kenë nevojë të paguajnë, dhe vendasit dhe ata që punojnë atje, do të përjashtohen.
Personat, që qëndrojnë në qytet për një natë ose më shumë, do të përjashtohen gjithashtu, si dhe njerëzit me një shtëpi të dytë në Venecia.
Sidoqoftë, ata që përjashtohen nga tarifa, duhet të regjistrojnë udhëtimin e tyre në internet.
Tarifa do të zbatohet si pjesë e një prove, nga e shtuna deri të dielën, 5 maj. Më pas do të zbatohet çdo fundjavë, midis orës 8:30 dhe 16:00 (duke përjashtuar datat 1 dhe 2 qershor) deri të dielën më 14 korrik.
Do të kushtojë 5 € (£ 4,30, 5,40 dollarë) për person dhe sistemi i ri, lëshon një kod QR pas pagesës, për të ndihmuar në përmirësimin e përvojës për vizitorët.
Mendohet se tatimi, do të përdoret thjesht për të mbuluar koston e vetë sistemit të rezervimit, në vend që të sjellë një fitim. Ideja është të përpiqemi dhe të dekurajojmë vizitorët, në ditët kur qyteti ka të ngjarë të jetë në kapacitet.
Kjo vjen pasi UNESCO, njoftoi se po shqyrtonte shtimin e Venecias në listën e saj të vendeve të rrezikuara, pjesërisht për shkak të dëmeve të shkaktuara nga numri i lartë i turistëve.
Venecia është në shumë lista, por për ta mbrojtur atë për të ardhmen, këto masa duken si një hap i domosdoshëm.
Zyrtarët e Venecias, shpresojnë se duke zbatuar këtë tarifë të re hyrjeje, qyteti do të bëhet më i përshtatshëm për banorët dhe më i këndshëm për vizitorët.
Venecia, nuk është i vetmi vend që po përpiqet të luftojë turizmin e tepërt. / Time Out
