Këto strategji, shkojnë përtej teknikave tradicionale të shitjeve, për të nxitur marrëdhënie të thella, domethënëse, që nxisin shitjet dhe ndihmojnë në rritjen e biznesit tuaj, përmes besnikërisë dhe angazhimit të qëndrueshëm.
Në tregun e sotëm, lidhja ndërmjet themeluesve të biznesit dhe klientëve, është më shumë se një transaksion; është guri i themelit të rritjes së qëndrueshme dhe besnikërisë ndaj markës.
Konsumatorët modernë, e duan vërtetësinë më shumë se kurrë. Ata e kanë të vështirë të lidhen me entitete pa fytyrë dhe duan të ndjekin njerëzit dhe jo bizneset.
Ky ndryshim drejt lidhjes personale në marketing, buron nga një treg i ngopur, ku konsumatorët bombardohen me zgjedhje dhe reklama çdo ditë. Konsumatorët preferojnë realitetin dhe transparencën, në një kohë kur këto cilësi janë të pakta në botën e biznesit.
Pra, si mund të thelloni lidhjen me audiencën tuaj të synuar? Në vazhdim, tregohen tre strategji, që themeluesit dhe sipërmarrësit mund të përdorin, për t’i kthyer ndërveprimet me klientët, në një motor të fuqishëm për rritjen e shitjeve.
1. Personalizoni sjelljen tuaj duke shfaqur prapaskenat
Është një gjë të shesësh një produkt. Është tjetër gjë, të tregosh një histori dhe të ndash detaje magjepsëse, që rezonojnë me shumëkënd.
Imagjinoni një themelues, që ndan udhëtimin e tij, arritjet dhe humbjet, përmes një serie përmbajtjesh prapa skenave. Ky tregim nuk ka të bëjë me humanizimin e markës; ka të bëjë me krijimin e një eksperience të përbashkët. Kur klientët shohin djersën dhe lotët pas një produkti, ata nuk po blejnë vetëm një artikull; ata po investojnë në një pjesë të procesit dhe historisë së themeluesit.
Pra, nga t’ia filloni?
Emailet javore ose postimet në rrjetet sociale, që shfaqin procesin, i bëjnë klientët të ndihen sikur janë pjesë e udhëtimit tuaj. Për ta bërë këtë në mënyrë efektive, filloni duke përcaktuar pikat kryesore në historinë e kompanisë suaj, ose në procesin e zhvillimit të produktit. Për çdo moment historik, identifikoni një histori ose sfidë me të cilën jeni përballur, dhe si e keni kapërcyer atë.
Më pas, përdorni pamje vizuale si foto, video apo edhe vizatime të thjeshta, për t’i dhënë jetë këtyre historive. Përmbajtja vizuale, jo vetëm që rrit angazhimin, por gjithashtu ndihmon në humanizimin e mëtejshëm të markës.
Mos harroni, qëllimi është të transmetoni dhe të përfshiheni në biseda domethënëse, që ndërtojnë marrëdhënie afatgjata.
2. Përdorni teknologjinë për lidhje personale
Mjetet e inteligjencës artificiale (IA) po lulëzojnë, kështu që lidhja personale, duke përdorur automatizimin, duket shumë kontradiktore. Megjithatë, teknologjia mund të jetë vetë mjeti, që ju afron me audiencën tuaj.
Merrni parasysh zbatimin e chatbot-eve të IA, që bëjnë më shumë sesa thjesht t’u përgjigjen pyetjeve. Punoni me mjete, konsulentë dhe profesionistë të modeleve gjuhësore, për të përshtatur IA e personalizuar, për të biseduar me klientët tuaj.
Ofroni rekomandime të personalizuara, ose thjesht kontrolloni vizitorët e faqes në internet. Ndonjëherë, një “Si po shkojnë gjërat?”, vlen shumë dhe kjo pjesë e përvojës së klientit, mund të automatizohet.
Kjo mënyrë, nuk do të zëvendësojë ndërveprimin njerëzor, sigurisht, por do ta përmirësojë atë, duke e bërë biznesin të pranishëm dhe proaktive në jetën e klientit tuaj.
Çelësi? Sigurohuni, që këto komunikime të IA të ndihen personale dhe specifike, jo thjesht si një mesazh tjetër i automatizuar. Kjo kërkon pak më shumë përpjekje për t’u zbatuar, por investimi ia vlen për rritjen afatgjatë të markës dhe biznesit.
3. Krijoni komunitete ekskluzive
Imagjinoni një hapësirë, ku klientët mund të mblidhen për të diskutuar produktin tuaj dhe për të ndarë historitë, sfidat dhe fitoret e tyre.
Ekziston platforma, që mundësojnë ndërtimin pa probleme të komunitetit. Këto platforma, ju lejojnë të bëni postime dhe të ndihmoni klientët tuaj, por ato gjithashtu u japin përdoruesve fleksibilitetin, për të postuar dhe komunikuar me njëri-tjetrin.
Një komunitet ekskluziv për bisedat mes klientëve, mund të marrë edhe shumë forma të tjera: një grup në Facebook, një kanal Slack ose një forum i dedikuar në faqen tuaj të internetit.
Qëllimi për komunitetin tuaj, është të nxisë ndjenjën e përkatësisë dhe mbështetjes reciproke, duke e kthyer bazën e klientëve, në një komunitet të lidhur ngushtë. Sa më të vlerësuar dhe të dëgjuar të ndihen klientët, aq më shumë gjasa ka, që ata të mbrojnë markën.
Në afat të gjatë, këto komunitete bëhen një makineri marketingu. / Entrepreneur
