Dihet se aktiviteti fizik, është i mirë për shëndetin mendor dhe të zemrës – dhe tani një studim i ri sugjeron, që të tre punojnë së bashku.
Përveç përfitimeve fizike të aktivitetit fizik, ky gjithashtu lidhet me një reduktim të sinjaleve të stresit në tru, gjë që çon në një ulje të rrezikut të sëmundjeve kardiovaskulare, sipas studimit.
Studiuesit analizuan të dhënat e më shumë se 50,000 të rriturve, rreth moshës 60 vjeç, nga Mass General Brigham Biobank, sipas studimit të botuar në Journal of the American College of Cardiology.
“Individët, që ushtroheshin më shumë, kishin një reduktim të shkallëzuar të sinjaleve, të lidhura me stresin në tru,” tha autori kryesor i studimit Dr. Ahmed Tawakol, kardiolog në Mass General Hospital dhe profesor i asociuar i mjekësisë në Shkollën Mjekësore të Harvardit në Boston.
Marrëdhënia midis sasisë së ushtrimeve dhe uljes së nivelit të rrezikut kardiovaskular, gjithashtu ndryshonte, në varësi të faktit nëse një person kishte një histori depresioni.
Për njerëzit pa histori depresioni, përfitimi i ushtrimeve për reduktimin e sëmundjeve kardiovaskulare, u rrit pas rreth 300 minutash aktivitet fizik të moderuar në javë.
Por, për njerëzit me depresion, përfitimet vazhduan me më shumë kohë të shpenzuar duke u ushtruar.
Ushtrimi redukton sinjalet e stresit dhe rrit sinjalet kortikale paraballore, tha Tawakol.
Sinjalet e stresit në tru, lidhen me gjëra të tilla si inflamacioni, aktiviteti më i lartë i sistemit nervor simpatik, presioni më i lartë i gjakut dhe sëmundjet, që trashin ose ngurtësojnë arteriet, shtoi ai.
Pjesërisht, ushtrimet duket se reduktojnë rreziqet e sëmundjeve të zemrës, duke reduktuar sinjalet e stresit.
Për shkak se studiuesit, vëzhguan pjesëmarrësit, në vend që të kryenin një provë të rastësishme me një grup kontrolli, ata nuk mund të thonë me siguri, se të ushtruarit shkaktoi reduktime, ose cilët janë mekanizmat që e mbështesin atë.
Cili ushtrim do të bëjë ndryshimin?
Ju nuk duhet të jeni atlet profesionist, për të pasur një rutinë të mirë aktiviteti fizik dhe kjo mund të ndihmojë për të ecur përpara.
Rezulton se qeniet njerëzore, janë krijuar për të lëvizur dhe lëvizur shumë, dhe kur ne e bëjmë këtë – veçanërisht kur jemi jashtë dhe mes pemëve – ka të dhëna, që sugjerojnë se të gjitha këto, kanë efekte shumë domethënëse për lehtësimin e stresit.
Freeman rekomandon, që së pari të konsultoheni me mjekun tuaj dhe të përpiqeni të arrini 30 minuta në ditë aktivitet fizik – dhe nuk ka rëndësi se cili është ai aktivitet.
Nëse nuk ju pëlqen të ecni, të ngisni biçikletën, të notoni apo çfarëdo qoftë, mos e bëni. Por, gjeni një mënyrë për të kryer aktivitetin fizik, që ju pëlqen vërtet.
Vetëm sigurohuni, që të ndjeni vështirësi ndërsa ushtroheni. Nëse mund të flisni, me fjali të plota, gjatë stërvitjes, mund të jetë koha për ta shtuar shkallën e vështirësisë. / BBC
