- Gjykatësi thotë se bashkëthemeluesit të FTX, duhet t’i konfiskohen 11 miliardë dollarë.
- Bankman-Fried mund të apelojë; nuk ka mundësi për lirim me kusht.
Bashkëthemeluesi i FTX, Sam Bankman-Fried, u dënua me 25 vjet burg, për vjedhjen e miliarda dollarëve nga klientët, duke shënuar kapitullin e fundit në një çështje, që ka përmbysur industrinë e kriptove.
Gjykatësi i qarkut amerikan, Lewis A. Kaplan, dha dënimin në gjykatën federale në Manhatan, pak çaste pasi Bankman-Fried, tha se i vinte keq për atë që ndodhi. Ai u dënua vitin e kaluar, për shtatë vepra penale, duke përfshirë mashtrimin dhe komplot.
Miliarderi i dikurshëm, u bë simbol i keqbërjes dhe lakmisë në botën e kriptove, pasi shkëmbimi i tij jashtëzakonisht FTX falimentoi, duke ekspozuar një mashtrim shumëvjeçar, që rrëmbeu rreth 10 miliardë dollarë nga klientët, investitorët dhe huadhënësit. Bankman-Fried, 32 vjeç, kishte mohuar kryerjen e mashtrimit me vetëdije dhe pretendonte se ai dhe perandoria e tij e kriptove, ishin viktima të rënies së tregut në 2022.
Prokurorët kishin kërkuar një dënim deri në 50, vjet ndërsa avokatët e Bankman-Fried, kishin kërkuar vetëm 6 vjet e gjysmë. Ndërsa nuk ka lirim me kusht në sistemin federal, ai mund të lirohet disa vjet më herët, për sjellje të mirë.
Kaplan, hodhi poshtë deklaratën 20-minutëshe të Bankman-Fried, duke thënë se ai nuk ishte vërtet i penduar dhe u përqendrua në ashpërsinë e krimit. Dënimi vetëm siguron, që ai do të jetë në burg, shumë pas ditëlindjes së tij të 50-të.
“Ekziston rreziku, që ky njeri të jetë në gjendje të bëjë diçka shumë të keqe në të ardhmen,” tha Kaplan. “Dhe nuk është një rrezik i parëndësishëm.”
Përveç dënimit me burg, Kaplan tha se Bankman-Fried, duhet t’i konfiskohen më shumë se 11 miliardë dollarë. Gjykatësi tha, se do të rekomandonte, që ai të burgosej në një strukturë pranë shtëpisë së prindërve të tij në Kaliforni, duke vënë në dukje se fama e tij dhe fakti që është autik, e bëjnë atë më të prekshëm dhe të rrezikuar.
Ndërsa Bankman-Fried, ka sinjalizuar tashmë qëllimin e tij për të apeluar dënimin, ai gjithashtu ka të drejtë të kundërshtojë dënimin.
Në gjyq, prokurorët thanë se Bankman-Fried, ka marrë miliarda dollarë nga FTX, për të shpenzuar në investime spekulative, më shumë se 300 donacione politike dhe pasuri të shtrenjta të paluajtshme.
Përballë paqëndrueshmërisë së tregut, huadhënësit filluan të kërkonin paratë e tyre në vitin 2022 dhe Bankman-Fried përdori fondet e klientëve FTX, për t’i paguar ato. Por, një nxitim i tërheqjeve të klientëve, arriti kulmin me paraqitjen e FTX për falimentim në nëntor 2022 dhe Bankman-Fried u largua nga posti i drejtuesit ekzekutiv.
Ndërsa prokurorët krahasuan Bankman-Fried me Bernie Madoff, i cili u dënua me 150 vjet, për një skemë masive, dënimi i tij është më shumë në përputhje me dënimin me burg, që ish-CEO i Enron Corp. Jeffrey Skilling, mori për mashtrim kontabël. Ai u dënua me 24 vjet, por u ul në apel.
Gjatë deklaratës së tij, Bankman-Fried u përpoq të fiksonte një pjesë të vonesës në kthimin e klientëve tek administratorët e kompanisë, pasi ajo paraqiti për falimentim. Ai tha se kishte fonde të mjaftueshme, për t’i kthyer fondet e tyre shumë më shpejt.
Bankman-Fried, ka të ngjarë të dërgohet në një strukturë të sigurisë së mesme, sipas Christopher Zoukis, një konsulent burgu. Zoukis tha se Bankman-Fried, ka të ngjarë të përfundojë në FCI Herlong, afër kufirit të Nevadës, ose FCI Mendota, rreth 200 km në juglindje të shtëpisë së prindërve të tij në Palo Alto. / Bloomberg
