Prodhuesit e lodrave presin shitje të mëdha në nivel global në sezonin e festave në fundvit, pas rritjes së kërkesës gjatë pandemisë për artikuj si kukullat “Barbie” dhe lojërat e tabelave.
Hasbro, prodhuesi i lojërave “Monopoly” dhe “Jenga”, u tha investitorëve se ishte gati për një “sezon të mirë festash”.
Parashikimi vjen një javë pas prodhuesi “Mattel” raportoi se pati shitjet më të larta të një dekade. Kukullat “Barbie” të kompanisë shënuan shitjet më të larta tremujore që nga viti 2003.
Fitimet kanë ardhur ndërsa familjet blejnë lodra dhe lojëra, në një përpjekje për të hequr mërzinë mes bllokimeve të pandemisë.
“Industria e lodrave në tërësi u rrit ndjeshëm dhe vazhdon të shfaqë qëndrueshmërinë e saj në kohë të vështira ekonomike,” tha shefi ekzekutiv i Mattel, Ynon Kreiz.
Në nëntë muajt e vitit, shitjet e Hasbro u rritën me 13% krahasuar me një vit më parë.
Në Mattel, shitjet ranë me 2% nga viti 2019, por disa marka, të tilla si Barbie, janë duke pasur ecurinë e tyre më të fortë në vite.
Kompania tha se shitjet bruto të kukullës u rritën me 15% nga viti në vit në nëntë muajt e vitit 2020. Në tremujorin më të fundit, ato u rritën me 29% ose në më shumë se 532 milionë dollarë.
Mattel u tha investitorëve javën e kaluar se po parashikonte një rritje prej 5% gjatë sezonit të festave krahasuar me vitin e kaluar.
Sidoqoftë, analistët paralajmëruan që pandemia mund të sjellë disa surpriza tek prodhuesit e lodrave në muajt e ardhshëm, pasi buxhetet familjare po tkurren gjithnjë e më shumë, ndërsa infeksioni në rritje i koronavirusit mund të ndryshojë dinamikën e blerjeve gjatë festave.
Por prodhuesit e lodrave ende kanë shanse të rrisin fitimet.
“Siç kemi parë në kohërat e mëparshme të sfiduara ekonomikisht, prindërit ndonjëherë do të heqin dorë nga nevojat e tyre për t’i bërë fëmijët e tyre të lumtur. Në këtë vit të çmendur, stresues, prindërit thjesht mund të tejkalojnë kufijtë dhe t’i llastojnë fëmijët e tyre – nëse kanë para”, shkroi së fundmi Juli Lennett, nënkryetare në firmën e kërkimit të tregut NPD Group./BBC
