Njëqind kilometra plazh. Uji kristal i pastër i Detit të Karaibeve dhe guma koralore që rrethon pjesën më të madhe të ishullit të Barbados.
Dhe pas kësaj një kulturë hibride me ndikim të fortë afrikan, trashëgimi e skllevërve të sjellë në ishull dhe të angazhuar në plantacionet e kallamit të sheqerit. Ky kompleks i ndërthurur i kulturës është i dukshëm në kuzhinën lokale dhe muzikën që zhurmon gjatë gjithë kohës.
Shija e Barbados
Kuzhina e Barbados është një përzierje e influencave të Afrikës, Karaibeve, evropianëve dhe indianëve perëndimorë.
Pjata bazë, natyrisht, është peshku. Simboli kombëtar është peshku fluturues por në tryezat e Barbados gjni gjithashtu ton, salmon, merluc, lobsters, gaforre dhe iriqa deti.
Këto ushqime shërbehen të skuqur, të pjekur në skarë, në furrë ose turshi.
Rrënjët muzikore
Muzika është protagonist i vërtetë i ishullit. Këtu nuk dëgjohet vetëm Rihanna, qytetarja më e famshëm e Barbados, por edhe Soca, jazz dhe Calypso Karaibe.
Calypso është i lidhur ngushtë me kulturën dhe historinë e ishullit. Origjina e tij daton në këngët e skllevërve afrikanë në fillim të viteve ‘600. Këto ishin këngë që me sfond satiric që shkruheshin për të komentuar ngjarjet shoqërore.
Për ata që janë të pasionuar ose thjesht kurioz për këtë muzikë vjen festivali Crop Over, karnavalja e Barbados iI cili fillon në 27 qershor dhe përfundon më 3 gusht.
Crop Over Festival
Parada, koncerte, konkurse e soca dhe calypso dhe më pas shija e kuzhinës lokale ofruar nga të gjitha tendat nëpër rrugë. Këto janë përbërësit e Crop Over Festival i cili gjallëron ishullin Karaibe çdo verë për pesë javë radhazi.
Festivali ka një histori të lashtë. Crop Over Festival ka lindur në vitin 1780 për të festuar fundin e korrjes së kallam sheqeri dhe fillimin e prodhimit të rumit vendas, një nga prodhimet më të famshme dhe popullore të ishullit.
Gjatë kësaj ngjarjeje kurorëzohen mbreti dhe mbretëresha e të korrave. Eventi përfshin gjithashtu parada me kostume plot ngjyra dhe karroca që tërheqen nga mushka. Dhe muzikë gospel, jazz dhe folk, aktivitete për fëmijë, treg dhe kuzhinë lokale.
Muzika është protagonisti kryesor në festival. Deri më 3 gusht Barbados është një triumf spektaklesh dhe garish mes bandave të calypso dhe grupi soca, koncerteve folklorike, reggae dhe gospel. Për të mos humbur është Pan Pun De Sand në 12 korrik në Brandons Beach, një koncert që mbahet në plazh. Dhe më pas më 1 gusht finalja e Pic-O-De-Crop përfshin nëntë artistët më të mirë të calypso-s në shesh.
Ditët e fundit të festivalit priren nga ngjarjet më të pëlqyera. Në mbrëmjen e 2 gushtit Cohobblopot (që në zhargonin lokal do të thotë ‘një përzierje e përbërësve të ndryshëm ‘): një shfaqje me muzikantë të calypso dhe soca vendas dhe ndërkombëtarë, balerinë në kostume dhe maska dhe fishekzjarre.
Crop Over mbyllet më 3 gusht me Grand Kadooment që parashikon parada prej mijëra njerëzish në kostume tradicionale të Karaibeve nëpër rrugë dhe festa nën ritmin e calypso.
